ენერგეტიკის და გარემოს ეროვნული ასოციაცია

საიტის რუკა | კონტაქტი

გიორგი ჩიქოვანი: წყაროების დივერსიფიკაცია საქართველოს ენერგოუსაფრთხოებას უზრუნველყოფს

„საქართველოში ჰიდროენერგეტიკა არის წამყვანი. მზის და ქარის ენერგიის ერთობლიობა დააბალანსებს ჩვენს მოხმარებას. მეტი დივერსიფიკაცია კი მოგვცემს ენერგოუსაფრთხოებას“- ეს განცხადება საქართველოს „ენერგეტიკის განვითარების ფონდის ხელმძღვანელმა“გიორგი ჩიქოვანმა „იმედის“ გადაცემა „დღის ქრონიკაში“ გააკეთა. . . . ვრცლად >>

ნათია თურნავამ საერთაშორისო ფორუმი „საქართველოს ენერგეტიკის კვირეული 2020“ გახსნა

ნათია თურნავამ საერთაშორისო საინვესტიციო ფორუმი „საქართველოს ენერგეტიკის კვირეული 2020“ (Energy Week Georgia 2020) გახსნა, რომელშიც მსოფლიოს 15-ზე მეტი ქვეყნიდან 300 დელეგატი მონაწილეობს. . . . ვრცლად >>

დავით თვალაბეიშვილი: ენერგეტიკული ბირჟის დაფუძნება ენერგეტიკული რეფორმების უმნიშვნელოვანესი ეტაპია

ეკონომიკისა და მდგრადი განვითარების მინისტრის მოადგილე დავით თვალაბეიშვილი USAID-ის ენერგეტიკული სასწავლო კურსის „ენერგეტიკული ბაზრების ვაჭრობისა და რისკების მართვა“ მონაწილეებისთვის სერტიფიკატების გადაცემის ცერემონიას დაესწრო და საქართველოს ენერგეტიკული ბირჟის მნიშვნელობაზე ისაუბრა. . . . ვრცლად >>

პანკისში ჰესის მშენებლობა მოსახლეობასთან კონსენსუსის მიღწევის შემდეგ დაიწყება

ეკონომიკის მინისტრის მოადგილე აცხადებს, რომ პანკისში ჰესის მშენებლობა მოსახლეობასთან კონსენსუსის მიღწევის შემდეგ დაიწყება . . . ვრცლად >>

2019 წელს საქართველოს 7 რეგიონის 11 000-მდე აბონენტს ბუნებრივი გაზის საერთო ქსელში ჩართვის საშუალება მიეცა

ეკონონიმიკისა და მდგრადი განვითარების სამინისტროს ინფორმაციით, 2019 – 2021 წლებში, საქართველოს მთავრობის განკარგულებით, შპს „საქართველოს გაზის ტრანსპორტირების კომპანია“ გაზიფიცირების სამწლიან სტრატეგიულ პროგრამას ახორციელებს. . . . ვრცლად >>

განახლებადი ენერგიების შესახებ ინვესტორთა ინტერაქტიული გზამკვლევი

✅განახლებადი ენერგიის წყაროების ინვესტიციების ხელშეწყობის მიზნით, USAID ენერგეტიკის პროგრამამ საქართველოს ენერგეტიკის განვითარების ფონდის და საჯარო და კერძო თანამშრომლობის სააგენტოს დახმარებით შეიმუშავა „განახლებადი ენერგიების შესახებ ინვესტორთა ინტერაქტიული გზამკვლევი“ რომელიც აღწერს ყველა საჭირო ნაბიჯსა და პროცედურას ინვესტორებისთვის და დეველოპერებისთვის, . . . ვრცლად >>

დავით თვალაბეიშვილმა ენერგეტიკისა და კლიმატის ცვლილების ინტეგრირებული სამოქმედო გეგმის საკითხებზე სამუშაო შეხვედრაში მონაწილეობა მიიღო

ეკონომიკისა და მდგრადი განვითარების მინისტრის მოადგილე დავით თვალაბეიშვილმა ენერგეტიკისა და კლიმატის ინტეგრირებული სამოქმედო გეგმის განხილვაში მიიღო მონაწილეობა, რომლის შემუშავებაც ევროკავშირთან ასოცირების შეთანხმებითა და ენერგეტიკული გაერთიანების წევრობით აღებული ვალდებულებითაა განსაზღვრული. . . . ვრცლად >>

გიორგი ჩიქოვანმა განახლებადი ენერგიების შესახებ კონფერენციაში მიიღო მონაწილეობა

ენერგეტიკის განვითარების ფონდის დირექტორმა გიორგი ჩიქოვანმა სტამბულში გამართულ განახლებადი ენერგიების შესახებ კონფერენციაში მიიღო მონაწილეობა და საქართველოში ფონდის მიერ მხარდაჭერილი მიმდინარე და განხორციელებული განახლებადი ენერგიების პროექტებზე ისაუბრა. . . . ვრცლად >>

რა ეკონომიკურ და პოლიტიკურ დივიდენდებს მოუტანს TANAP-ი საქართველოს

“სამხრეთის დერეფნის კონცეფცია საქართველოს მნიშვნელოვან პოლიტიკურ დივიდენდსა და ენერო უსაფრთხოებას მოუტანს,” – ამის შესახებ საქართველოს ნავთობისა და გაზის კორპორაციის გენერალურმა დირექტორმა, გიორგი ბახტაძემ, report.ge-ისთან საუბრისას განაცხადა. . . . ვრცლად >>

ნათია თურნავა: „აზერბაიჯანთან ვსაუბრობთ ახალ, საინტერესო პროექტებზე შავ ზღვაზე"

ეკონომიკისა და მდგრადი განვითარების მინისტრის ინფორმაციით, ორ უწყებას შორის ასევე საუბარია დიდ, ერთობლივ ენერგეტიკულ პროექტებზე, რადგან საქართველო ძალიან სწრაფად ავითარებს თავის ენერგეტიკულ ინფრასტრუქტურას, მათ შორის ახალ გენერაციის ობიექტებს. . . . ვრცლად >>

ტყიბულის მუნიციპალიტეტში 100-150 მგვტ. სიმძლავრის ნახშირზე მომუშავე ახალი თბოელექტროსადგურის მშენებლობა იწყება

ტყიბულის მუნიციპალიტეტში 100-150 მგვტ. სიმძლავრის ნახშირზე მომუშავე ახალი თბოელექტროსადგურის მშენებლობა იწყება.

დირექტორთა საბჭოს სხდომაზე, საქართველოს ინდუსტრიული ჯგუფის გენერალურმა დირექტორმა კომპანიის ახალ, მსხვილ საინვესტიციო პროექტის დეტალებზე ისაუბრა. კომპანია ტყიბულის მუნიციპალიტეტში 100-150 მგვტ. სიმძლავრის ნახშირზე მომუშავე ახალი თბოელექტროსადგურის მშენებლობას იწყებს.

აღნიშნული თბოელექტროსადგურისათვის საწვავის წყაროდ გამოყენებული იქნება ადგილობრივი სასარგებლო წიაღისეული, კერძოდ, ტყიბულის მუნიციპალიტეტში განთავსებული მაღაროებიდან მოპოვებული ქვანახშირი.

ახალი თბოელექტროსადგური სტრატეგიულად მნიშვნელოვანი იქნება სახელმწიფოს ენერგოუსაფრთხოებისთვის, ვინაიდან სადგურის ფუნქციონირება არ იქნება დამოკიდებული იმპორტირებულ ენერგეტიკულ საწვავზე, რაც განაპირობებს ენერგოუსაფრთხოებასა და მდგრადობას. თბოელექტროსადგური ხელს შეუწყობს ტყიბულის ქვანახშირის საბადოს გრძელვადიან და სტაბილურ განვითარებას. პროექტი ქმნის ქვანახშირის მოპოვების გაზრდის აუცილებლობას, რომელიც დამატებით წინასწარი კვლევებით დაახლოებით 300 სამუშაო ადგილის შექმნას უზრუნველყოფს და აღნიშნულ შემთხვევაში კომპანია ასევე განახორციელებს ნახშირის საბადოს ტექნიკურ გადაიარაღებას.

კომპანია აგრეთვე გეგმავს თანამშრომლების კვალიფიკაციის ამაღლებისთვის საჭირო შესაბამისი ღონისძიებების გატარებას.

ინვესტიციის განხორციელების მიზნით, 2014 წლის ივნისში, საქართველოს ეკონომიკისა და მდგრადი განვითარების სამინისტროს, საქართველოს ენერგეტიკის სამინისტროსა და შპს "ჰოლდინგი საქართველოს ინდუსტრიული ჯგუფი"-ს შვილობილ კომპანია შპს "საქართველოს საერთაშორისო ენერგეტიკულ კორპორაცია"-ს შორის გაფორმდა სამმხრივი ხელშეკრულება, რომლის თანახმადაც კომპანია ტყიბულის მუნიციპალიტეტში 100-150მგვტ. სიმძლავრის ნახშირზე მომუშავე ახალი თბოელექტროსადგურის მშენებლობას იწყებს.

ახალი თბოელექტროსადგური განსაზღვრული იქნება ქვეყნის გარანტირებული სიმძლავრის წყაროდ და ენერგოსისტემის საჭიროების შემთხვევაში მისი საპროექტო მაჩვენებლებისა და დადგმული სიმძლავრის საფუძველზე ყოველწლიურად ექნება 700,000,000 - 1,050,000,000 კვტ/სთ ელექტროენერგიის წარმოების (გენერაციის) შესაძლებლობა.

თბოსადგურის მშენებლობის ვადები:

არაუგვიანეს 2015 წლის 31 იანვრამდე (ჩათვლით) კომპანიამ უნდა განახორციელოს ნახშირის თბოსადგურის მშენებლობის ტექნიკურ-ეკონომიკური განხორციელებადობის კვლევის მომზადება;
2015 წლის 31აგვისტომდე (ჩათვლით) კომპანიამ უნდა განახორციელოს ნახშირის თბოსადგურის მშენებლობის პროექტის, მშენებლობის პროექტის საექსპერტო დასკვნისა და გარემოზე ზემოქმედების შეფასების ანგარიშების მომზადება;
2015 წლის 15 დეკემბრამდე (ჩათვლით) კომპანიამ უნდა უზრუნველყოს ნახშირის თბოსადგურის მშენებლობის ნებართვის მოპოვება.
ზემოაღნიშნულის განხორციელების შემდგომ კომპანიამ ნახშირის თბოსადგურის მშენებლობა უნდა დაიწყოს არაუგვიანეს 2016 წლის იანვრისა.
2019 წლის 31 დეკემბრამდე (ჩათვლით) კომპანიამ უზრუნველყოს თბოსადგურის აშენება.
და თბოსადგურის აშენებიდან 3 (სამი) თვის ვადაში კომპანიამ უნდა უზრუნველყოს კანონმდებლობით დადგენილი დოკუმენტაციის მომზადება თბოსადგურის ექსპლუატაციაში მიღების მიზნით.

მთავარი

სიახლე

გალერეა