ოკუპირებული ტერიტორიების გამყოფი ხაზის მიმდებარე 34 სოფელში გაზიფიცირების სამუშაოები მიმდინარეობს
სახელმწიფო დაფინანსებით გაზიფიცირების სამუშაოები ამ ეტაპზე საქართველოს მასშტაბით ოკუპირებული ტერიტორიების გამყოფი ხაზის მიმდებარე 34 სოფელში: თვაურებში, ხვითში, ფცაში, შაქშაქეთში, ჩორჩანაში, წაღვლში, ყობში, ვაკეში, გორაკაში, ახალშენში, ყარაფილაში, სარიბარში, ზადიაანთკარში, არბოში, ქორდში, საკორინთელოში, პანტიანში, ზუღდულეთში, ქვემო და ზემო სობისში, ცერონისში, ავლევში, კნოლევში, აბანოში, კოდაშ, ატოცში, გულიკაანთუბანში, ჭვრინისში, კარბში, ახალუბანში, კირბალში, ერგნეთში, კოკსა და ორსანტიაში მიმდინარეობს.
საქართველოს მასშტაბით ოკუპირებული ტერიტორიების გამყოფი ხაზის მიმდებარე ყველა სოფლის გაზიფიცირებისთვის, სახელმწიფო ბიუჯეტიდან გამოიყო 19 მილიონი ლარი. გაზიფიცირების სამუშაოები ჩატარდება გორის, ქარელის, კასპის, ხაშურის და ზუგდიდის მუნიციპალიტეტების 58 სოფელში,სულ გაზიფიცირდება 13 375 კომლი.
სოფლების მოსახლეობას სახლებამდე ბუნებრივ აირს უფასოდ მიუყვანენ.
გაზიფიცირების სამუშაოებს საქართველოს გაზის ტრანსპორტირების კომპანია კონტრაქტორ კომპანიებთან ერთად წლის ბოლომდე დაასრულებს.