"ეკოლოგიური ექსპერტიზის პროცესში გამოიკვეთა, რომ წარმოდგენილი გარემოზე ზემოქმედების შეფასების ანგარიში პასუხობდა ,,გარემოზე ზემოქმედების შეფასების შესახებ“ დებულების მოთხოვნებს. მასში განხილული და ასახული იყო ის საკითხები, რომლებიც აღნიშნული საქმიანობის განხორციელებისათვის მნიშვნელოვანია. კერძოდ, წარმოდგენილი იყო მდინარის ჰიდროლოგიური კვლევისა და ბიომრავალფეროვნების შესწავლის მასალები", - აცხადებენ გარემოსა და ბუნებრივი რესურსების დაცვის სამინისტროში.
როგორც სამინისტროში განმარტავენ, გარემოზე ზემოქმედების შეფასების ანგარიშის ეკოლოგიური ექსპერტიზის პროცესში მონაწილეობდნენ როგორც სამინისტროს დარგობრივი სამსახურების სპეციალისტები, ასევე ექსპერტთა რეესტრში რეგისტრირებული დამოუკიდებელი ექსპერტები.
ეს უკვე მეორე ანგარიშია, რომელიც კომპანიამ სამინისტროს წარუდგინა. პირველ გზშ ანგარიშზე მარტში სამინისტრომ უარყოფითი ეკოლოგიური დასკვნა გასცა. მშენებლობის ნებართვა კომპანიამ ახლა უკვე ყაზბეგის მუნიციპალიტეტისგან უნდა აიღოს.
წყარო: http://liberali.ge/ge/liberali/news/116858/